Narendrajagtap's Blog

ફેબ્રુવારી 24, 2013

સંભવ નથી

Filed under: ગઝલ — narendrajagtap @ 10:23 એ એમ (am)

છે કૌરવો અઢળક છતાં,નટવર સખા પાંડવ નથી
માભોમને કાજે મહાભારત હવે સંભવ નથી

વાણી ભલે ઉચ્ચારતાં,નાદાનિયતની લાગતી
ધારીને જોશો તો  હવે,ભોળા રહ્યાં શૈશવ નથી

ભારે પડે પીછાણવાં,તરકટ પ્રપંચીનાં અહીં
નાખો નજર જો સૂક્ષ્મતો,પાપીપૂરા માનવ નથી.

જીવન જીવેછે આ બધા,એશો અને આરામથી
પણ હરપળે ઉચાટ્માં,મનથી ખરો વૈભવ નથી

ફુલો સુવાસિત જ્યાં હતાં,આજે ખડી ઇમારતો
મનહર કમળ ક્યાં પાંગરે? એ જળ નથી,કાદવ નથી

Blog at WordPress.com.

%d bloggers like this: