Narendrajagtap's Blog

ફેબ્રુવારી 29, 2012

પણ ના ડગે

Filed under: ગઝલ — narendrajagtap @ 8:44 એ એમ (am)

શૂરા ખરા એ માનવી,તલવારથી પણ ના ડગે
આવે કદી જો મોતના, અણસારથી પણ ના ડગે

વિચલીત મન વિચર્યા કરે ,એને બીજુ શું કામ છે
સંકલ્પ જે પાષાણવત, નિર્ધારથી પણ ના ડગે

આધાર જેનો ધર્મ છે,ને પથિક છે જે સત્યનો
પાંડવતણા ગાંડીવના, ટંકારથી પણ ના ડગે

પાવનસદા મન જે રહે,ઇચ્છાથકી જે પર રહે
કપટીજનોના આકરા,ફિટકારથી પણ ના ડગે

આ શબ્દકેરી સાધના, એકાગ્રચિત્તે જે કરે
દંભી સુધારાવાદીની,તકરારથી પણ ના ડગે

Advertisements

Blog at WordPress.com.

%d bloggers like this: