Narendrajagtap's Blog

નવેમ્બર 14, 2010

દિવાળી આવી.. દિવાળી આવી..

Filed under: achhandas rachanao — narendrajagtap @ 2:55 પી એમ(pm)

મોઘવારીના જમાનામાં જ્યારે બધુ જ મોઘું હોય અને છતાં દિવાળી ઉજવવાની હોય…લોકલાજે પણ તણાવવું પડતું હોય ત્યારે સ્થિતિ કફોડી બને છે…મોઘવારીને ભાંડતી આ રચના કટાક્ષરૂપે રજુ કરુ છું

દિવાળી આવી,દિવાળી આવી
દી-વાળીદે તેવી દિવાળી આવી
મોઘવારીની તો નવી સોગાદો લાવી
લો આ સદીની નવી દિવાળી આવી

દિવાળી કહે ભઇ હવે જનતા ફાવી
હુ તો નવીનવી ભેટ્સોગાદો લાવી
ડીઝલ મોઘુ-ટ્રક હડતાલો લાવી..
સપ્તાહનું ડીઝલ બચાવી દિવાળી આવી

સોનિયા-મનમોહન કુટે છે ભાલ
મોઘવારીના છૂટાદોરનો સૌ દેખે છે તાલ
વીતે છે લોકોના દિવસો,માની સુધરશે કાલ
મોઘવારીને ભૂલી મને ઉજવો,હું દિવાળી આવી

ભાવતાલની માઝાએ ઠર્યા છે ગાત્ર
ચિંતા નહી,માનવીની કીંમત ઘટી માત્ર
કેવા ભાઇ ભત્રીજા ભાણા સબંધ નામના
કામ આવોતો કામના,બાકી સબંધ શા કામના
રાવણ રોળી દિવાળી ઉજવી’તી રામે
સૂર-અસૂર સંહારી રાસ રમ્યોતો શ્યામે
ભુખ-ભયને ભ્રષ્ટાચારની શાને
મને ઉજવો હું દિવાળી આવી
હું દિવાળી આવી….

Advertisements

Create a free website or blog at WordPress.com.

%d bloggers like this: