Narendrajagtap's Blog

જાન્યુઆરી 30, 2010

આભાર

Filed under: ગઝલ — narendrajagtap @ 5:50 પી એમ(pm)

શં લઇને કોણ ગયું
                  શું લઇને જવાના તમે
મું-મારુ-બધા રમે રમત
                 સાથે શું લઇ જવાના તમે ?
યાદ-ક્રોધ-સ્વમાન-અભિમાન
                 કોણ સાથે લઇ ગયું

સંસ્મરણો માત્ર જવાના મૂકી
                 શું વિસરીને જવાના તમે ?
માયા-મૂડી-મમત-મોહ
                આલિંગનમાં શું લઇ જશો ?
નશ્વર દેહ માત્ર મૂકી જશો
                સાથે શ્વાસ લઇ જવાના તમે ?

અંતે કશાનો જ ઉપાડવાનો નથી ભાર
                તો જીવનમાં આ-ભાર શાનો ?
તમારો જ કોઇ ઉપાડ્શે ભાર
                “આભાર” કહેવાના તમે ?

જાન્યુઆરી 15, 2010

આત્મ-રોષ

Filed under: ગઝલ — narendrajagtap @ 5:03 પી એમ(pm)

પ્રિય મિત્રો…ગઇ 18 તારીખે મે મારી જીંદગીની પ્રથમ રચના આપ સૌ સમક્ષ મુકેલી અને આપ સૌએ ખુબ સારો પ્રતિભાવ આપ્યો  અને મને પ્રોત્સાહીત કર્યો… એ કાવ્ય લખ્યા બાદ બે માસ વિત્યા પછી બીજુ કાવ્ય લખાયેલુ ..અને તેનો વિષય  છે તે વખત ના વડાપ્રધાન સ્વ.ઇન્દીરા ગાંધી… કેમ કે તે વખતે તેમનો રોફ જબરજસ્ત પ્રવર્તતો હતો.. અને અમે મીસામાં જેલમાં રહીને અકળાતાં હતાં.. અને તે વખતનો મનમાં જે રોષ હતો તે મારા આ કાવ્યમાં પ્રગટ થાય છે …આ કાવ્યનુ નામ છે….”આત્મ-રોષ”

અરે ! આ વિધીની વિચિત્રતા
હવે તો ઝંખવાઇ પડી છે પવિત્રતા
અને રહી છે ક્યાં હવે સ્વતંત્રતા
ચારે તરફ પ્રસરી ઉઠી છે પરતંત્રતા.

ખબર નથી આસુરી છે કે દૈવીકોપ
વિધી એક દિ આપશે છેલ્લો ઑપ
હાલ તો લોકશાહી નો છૂંદાય છે રોપ
મા-દીકરાનો અજબ વર્તાય છે રોફ.

સાધન સત્તાના મદમાં છુટ્યુ છે જીભનું નાડું
હાલતો તેમનુ વેતરાય છે ,વેતરાશે કોક દિ’આડું
કાલ હતી,આજનથી,કાલ આવશે, અટકશે તેમનુ ગાડું
અમે તો જીવ્યાં કારાવાસમાં,તેમને જીવવું લાગશે ખારુ.

સુખના વિતાયા દિવસો રહી દૂર સ્વજનથી
મનની મુરાદ બર કરવા ડગ ભર્યું છે મનથી ,
એક દિ’ ઉતરશે,સ્વર્ણ-પ્રભાત અંબરેથી
વળતાં થાશે ત્યારે પાણી શાસકના ઉંબરેથી.

પોતાની જાત છુપાવી કરે એ બદનામ અમને
સમય નથી હાલ ,સહ્યી રહ્યાં છીએ કમને
પરચો અખંડ શક્તિનો જોયો નથી હજી તમે,
સમય આવવાદો-ગણી ગણી બતાવશું અમે.

ગમ નથી અમને જેલનો કે સ્વજનનાં પ્રેમનો
ગમ છે માત્ર અમને તો આ બાઇ ના મદમસ્ત ઘેનનો.

Blog at WordPress.com.

%d bloggers like this: