પ્રસ્તાવના

કાવ્ય,ગીત, ગઝલની કેડીએ ધીમા પગલે ચાલતાં ચાલતાં એક નવા સોપાનમાં પદાર્પણ કરી રહ્યો છું જે ખરેખર સ્વપ્નવત લાગે છે. મારા પોતાના બ્લોગ દ્વારા એક વિશાળ ફલકને આંબવા જઈ રહ્યો છું ત્યારે મનમાં થોડો ગભરાટ છે અને તે પણ ખાસ કરીને એવું વિચારીને કે કેવી comments મળશે? કેમ કે છંદ્દોબધ્ધ ગઝલમાં હું હજી નવો નિશાળીયો છું પણ મને વિશ્વાસ છે કે મારા વડીલો,મારા મિત્રો કે જેઓ મારી ગઝલો ,કાવ્યો ,ગીતો જોશે વાંચશે અને તેના ઉપર comments કરશે તેઓ મને એક રાહ પણ બતાવશે અને મારી દરેક ભૂલોને ચકાસીને ,પારખીને તેમાં રહેલ ક્ષતીઓને દૂર કરવા મને યોગ્ય માર્ગદર્શન આપશે તેવી પુરી શ્રધ્ધા છે

છેલ્લા સાડા ત્રણ વર્ષથી શબ્દ સાધના પરિવાર બનાસકાંઠા દ્વારા અમે ગઝલરાણીની સેવામાં ખડે પગે છીએ અને શબ્દ સાધના પરિવાર ખુબજ સુંદર રીતે આયોજનપુર્વક ચલાવવા હું સદાય તત્પર રહું છૂં અને મારા મિત્રોનો તેમાં પૂરો સહકાર પણ છે.પાલનપુરમાં દર પંદર દિવસે રવિવારે રવિસભા દ્વારા અમે સૌ કવિઓ મળીએ છીએ અને ‘ગઝલ’ને સાકાર કરવાના પ્રયત્ન કરીએ છીએ આજે આ બ્લોગ દ્વારા હું મારા સ્વજન જેવા સ્નેહીમિત્રો જેમકે રજ્યા રમેશભાઈ ‘ઈશ્ક’પાલનપુરી,શ્રી મન પાલનપુરી,શ્રી પ્રો.મહેશભાઈ મકવાણા શ્રી સમીઉલ્લાભાઈ’શેષ’પાલનપુરી, શ્રી શરદ ત્રિવેદી,શ્રી અબરાર શેખ ,મેહુલ જોષી,શ્રી જગદીશભાઈ ઉપાધ્યાય ,શ્રી નરોતમ પરમાર’,શ્રી મનોજ જોષી, શ્રી દિપકભાઈ જોષી’ઝંખન’,કુ.વર્ષા બારોટ ,રોશનબેન હસન ,અનીલ લીંબાચીયા,કિરણ સોની,અને મારા પ્રિય મિત્ર નેમચંદભાઈ ત્રિવેદી આ બધાનો અંતઃકરણપૂર્વક આભારી છું કેમ કે તેઓએ મને હિંમત પુરી પાડી છે. ખાસ કરીને બ્લો વિશે તથા બ્લોગની દુનિયામાં મારી આંગળી પકડીને જેઓ મને હાલ શીખવી રહ્યા છે તેવા શ્રી રમેશ રજ્યા ‘ઈશ્ક’પાલનપુરી તેમના ઘેર બેઠા બેઠા મને આ અંગે માર્ગદર્શન આપીને મને પા.પા પગલી કરાવી રહ્યા છે તેમનો પણ ફરીથી આભારી છું .

સૌ વાંચકો ને મારું નમ્ર નિવેદન છે કે મારે શીખવું છે તો મારી ભુલોન છાવરસો નહીં પરંતું યોગ્ય રાહ ચીધશો ,મારી ધગશને ડામશો નહીં પણ તેમાં ઉત્સાહ ભરશો આપ સૌ તરફ આશાભરી મીટ માંડી હું આપ સૌની કંડારેલી કેડીએ ચાલવા,મથવા જઈ રહ્યો છું મને યોગ્ય રાહ ચિંધશો તે અપેક્ષા સહ…. સસ્નેહ વંદન,નમસ્કાર…

આપનો નરેન્દ્ જગતાપ